အာဂျင်တီးနားအသင်းနည်းပြ စကာလိုနီက မက်ဆီမပါဝင်ပေမယ့် ဥရုဂွေးအသင်းကိုအနိုင်ကန်ခဲ့လို့ အသင်းသားတွေကို ချီးကျူးလိုက်ပါတယ်။ သောကြာနေ့တုန်းက အာဂျင်တီးနားအသင်းဟာ မက်ဆီအပြင် မာတီနက်ဇ် ၊ ဒိုင်ဘားလားတို့မပါပဲ ဥရုဂွေးနဲ့ရင်ဆိုင်ခဲ့တာဖြစ်ပါတယ်။ ဒါပေမယ့်လည်း စကာလိုနီရဲ့အသင်းဟာ အယ်လ်မာဒါရဲ့တစ်လုံးတည်းသောသွင်းဂိုးနဲ့အတူ အနိုင်ရရှိခဲ့ပြီး လာမယ့်နှစ်ကမ္ဘာ့ဖလားဝင်ခွင့်နဲ့ နီးစပ်လာခဲ့ပါတယ်။

တကယ်လို့ အာဂျင်တီးနားအသင်းအနေနဲ့ အင်္ဂါနေ့မှာကန်မယ့် ဘရာဇီးအသင်းနဲ့ပွဲမှာသာ သရေတစ်မှတ်ရယူနိုင်ခဲ့မယ်ဆိုရင် ဝင်ခွင့်သေချာမှာဖြစ်ပါတယ်။ “နိုင်ငံအသင်းက အသင်းတစ်သင်းပါ။ တစ်ဦးလွဲချော်ချိန်မှာ အခြားသူက အစားဝင်ရပါတယ်။ ကျွန်တော်တို့မှာ အရမ်းအရေးပါတဲ့မတော်တဆမှုတွေရှိခဲ့ပါတယ်။ ဒါပေမယ့် ကွင်းထဲမှာ ကစားသမားတွေပါဝင်နိုင်ခဲ့ပါတယ်။ အသင်းမှာက နာမည်တွေအရေးမပါတော့ပါဘူး။ ကံကောင်းစွာနဲ့ ကျွန်တော်တို့ထည့်လိုက်တဲ့ကစားသမားတွေက ဒဏ်ရာမရခဲ့ပါဘူး။

ညာခြမ်းမှာလည်း ကျွန်တော်တို့ အခြေအနေတစ်ချို့ဖန်တီးနိုင်ခဲ့ပါတယ်။ ဒုတိယပိုင်းမှာ ကျွန်တော်တို့ အဲ့နေရာက မှန်ကန်ခဲ့ပါတယ်။ အသင်းက ပြီးပြည့်စုံတဲ့ပွဲကို ကစားနိုင်ခဲ့ပါတယ်။ ပြိုင်ဘက်ဖိအားကို စုပ်ယူနိုင်ခဲ့ပါတယ်။ ကျွန်တော်တို့ ကစားချိန်မှာလည်း လုပ်နိုင်ခဲ့ပြီး အနိုင်လည်းရယူနိုင်ခဲ့ပါတယ်။ ကျွန်တော် စိတ်ကျေနပ်ခဲ့ပါတယ်။ အနိုင်ရခဲ့တာကြောင့်တင်မဟုတ်ပဲ အသင်းစွမ်းဆောင်ရည်က အရေးပါခဲ့တာကြောင့်ပါ။

ကျွန်တော်တို့ ကစားချိန်မှာလည်း တူညီတဲ့စိတ်ပိုင်းဆိုင်ရာနဲ့ကစားခဲ့ပါတယ်။ ဒီအစုအဖွဲ့က ကြီးပြင်းလာနေသလို အောင်မြင်မှုတွေလည်း ရယူထားနိုင်ပါတယ်။ အရမ်းခက်ခဲတဲ့ပွဲဖြစ်ခဲ့ပြီး အခုနိုင်ပွဲအတွက် ကျွန်တော်တို့ ဂုဏ်ယူမိပါတယ်။ ပြိုင်ဘက်ကလည်း အပြင်းအထန်ကစားခဲ့ပြီး ဒီလိုပွဲတွေဆိုတာ ကျွန်တော်တို့ ဖြတ်ကျော်ရမယ့်ပွဲတွေပါ”လို့ စကာလိုနီက ပြောကြားခဲ့ပါတယ်။