လာဇီယိုနောက်ခံလူပက်ထရစ်က သူ့ရဲ့အသင်းဖော်မာရီယိုဂီလာရဲ့ အခုရာသီခြေစွမ်းပိုင်းကို ချီးကျူးစကားဆိုလိုက်ပါတယ်။

ပြီးခဲ့တဲ့တနင်္ဂနွေနေ့၊ အေစီမီလန်ကို အနိုင်ရခဲ့တဲ့ပွဲစဉ်မှာ ဂီလာက လာဇီယိုအသင်းအတွက် အကောင်းဆုံးခြေစွမ်းပြနို်ငခဲ့ပါတယ်။

သူ့ကိုခေါ်ယူဖို့ စိတ်ဝင်စားနေတဲ့ ကလပ်အသင်းတွေထဲမှာ အေစီမီလန် ပါဝင်နေသလို အက်သလက်တီကိုမက်ဒရစ်နဲ့ အင်တာမီလန်တို့လည်း ကစားသမားရဲ့ခြေစွမ်းပိုင်းကို စိတ်ဝင်စားနေကြပါတယ်။ 

ရီးရဲလ်မက်ဒရစ်ကလည်း ကစားသမားပိုင်ဆိုင်ခွင့် ၅၀ ရာခိုင်နှုန်းကို လက်ဝယ်ရှိထားလို့ အခြေအနေကို စောင့်ကြည့်နေပါတယ်။

တနင်္ဂနွေညပိုင်းအနိုင်ရရှိမှုအပြီး ဂီလာရဲ့တွဲဖက်ခံစစ်မှူးပက်ထရစ်က " သူက သိသိသာသာတိုးတက်လာနေပြီး ကြံ့ခိုင်မှုပိုင်းမှာလည်း အံ့ဩစရာကောင်းပါတယ်။ ခံစစ်ဧရိယာထဲမှာ အဲ့ဒီလောက်အထိ မြန်ဆန်တဲ့ ကစားသမားမျိုး တွေ့ရခဲပါတယ်" လို့ ပြောကြားခဲ့ပါတယ်။

"သူ အခုလိုမျိုးဆက်ပြီး ခြေစွမ်းပြနိုင်ဖို့ မျှော်လင့်ပါတယ်။ ဒါပေမဲ့ အနာဂတ်အကြောင်းကိုတော့ ကျွန်တော်မပြောချင်ပါဘူး၊ ဒါက သူ့ရဲ့ကိုယ်ပိုင်ကိစ္စပါ။ သူကိုယ်တိုင် စိတ်အေးအေးထားပြီး အာရုံစိုက်ဖို့ပဲ လိုပါတယ်။ ကျွန်တော်တို့ကိုလည်း အနာဂတ်အကြောင်းတွေ ဘာမှလာမပြောပါနဲ့" လို့လည်း ၎င်းက ဆိုခဲ့ပါတယ်။